Pulis Recruitment-o non-tribal candidate-rangko personal interview-na seokja: AMMSU
Tura, April 8, 2023: All Meghalaya Minorities Students’ Union (AMMSU), Brisibar salo Pulis Department-ni bang•a dingtang dingtang kamrangna recruitment ka•gipao Non Tribal Category-ni candidate-rangko personal interview-na seokjaha ine matnangaha.
Uni gimin, list on•giminko nipiltaie, Non-Tribal Category-ni candidate-rangkoba man•chapatna nanga ine dabiangaha.
Central Recruitment Board-ni IGP cum Chairman, Shillong-na Union badi ka•doate dabiangaha.
Koborna parakatani gitade, bang•a dingtang dingtang Pulis Department-ni post-ranga jekai UBSL, UBC, ABC/BNC, MPRO,Fireeman, Driver Firement, Driver Constable, Follower aro gipin post-rangna Pulis Recruitment-ko dakmanaha.
Indiba a•dokni Reservation Policy-ko ja•rikgija recruitment-ko ong•ataha. Indake ong•genchimoba, High Court-ni ge•etgimin niam gita, recruitment-o Roster System-ko ja•rikna nanga ine Union dabiangskaha.
“Indake ong•on, parakatgimin list-ko ta•rake nipiltaina nanga aro Meghalaya-o songdonggiparang ong•pae, jemangan man•na kraachim, ua candidate-rangko man•chapatchina” Union dabiangaha.