Shillong, April 8, 2023: Meghalaya Public Service Commission (MPSC)-ni April 6 tariko parakatgipa sorkari department-ni dingtang dingtang kamrangna, Screening Test ba Written Examination-ko re•baenggipa May jao ra•gen ine parakataha.
Indake ong•genchimoba, porikkarangko sechakna MPSC-o hall-rang ba room-rang dongjani gimin porikka sechaknagipa biaprangko parakatkuja. Indiba, Program-ko dingtangatna nangode, sakanti candidate-rangna skang advance ong•e u•iatgen ine parakataha.
Porikka sena am•enggiparangni kamni biming aro department-ni biming, tarik aro somoiko sulsul parakatenga: Skanggipa Senior Computer under the Directorate of Health Services (MCH & FW), Meghalaya Shillong (April 2018). Tarik 6/05/2023, Somoi pring 9:30 bajoni saljatchi 12 bajiona. Gnigipa, LDA in the Office of Heads Department (July 2019), Tarik 6/05/2023, Somoi attam 2 bajioni attam 4:30 bajiona. Gittamgipa, Motor Vehicle Inspector under Transport Department (December, 2020). Tarik 13/05/2023. Somoi pring 9:30 bajioni saljatchi 12 bajiona. Brigipa, LDA in the Office of Heads of Department, (December 2020). Tarik 13/05/2023. Somoi attam 2 bajioni attam 4:30 bajiona. Bongagipa, Assistant Research Officer in Science and Technology Cell, Planning Department Meghalaya, (April 2018). Tarik 20/05/2023. Somoi pring 9:30 bajioni saljatchi 12 bajiona. Dokgipa, LDA in the Office of MPSC, (December 2021). Tarik 20/05/2023. Somoi attam 2 bajioni attam 4:30 bajiona. Snigipa, Meghalaya Civil Service, Preliminary Examination (February 2022). Tarik 27/05/2023. Somoi pring 10 bajioni saljatchi 12 bajiona aro attam 2 bajioni attam 4:30 bajiona.
Ia parakatgimin kamrangna May jao porikka ra•anggen ine parakatengon, porikka seani biap ba hall aro room-rangko ja•mano parakatskagen ine u•iataha.