Tura, April 6, 2022: West Garo Hills a•jani Deputy Commisioner of Supply, NFSA benificiaries ba kangal cholgrigipa nokdangrangna, Pradhan Mantri Garib Kalyan Anna Yojana (PMGKAY-VI)-ni jaanti indin tangka paisa nanggija sualenggipa mirongrangko September jaona ra•dodapattaiaha ine u•iataha.
National Food Security Act (NFSA) 2013-ni ning•o donggipa AAY aro PHH card donggipa manderangna tangka paisa gri indin sakprako kg 5 mirongko japrako fair price dokkanoniko man•anggen. Fair Price dokkanni nokgipa Aadhar card baksa AAY aro PHH card donggipa manderangna mirongrangko sualengon, pilaknan ePOS-ni gitasa transaction-ko ka•na nanggen ine u•iataha.