Tura, November 28, 2022: West Garo Hills a•jani Deputy Commissioner Swapnil Tembe, District Planning Office salgittamna Personality aro Confidence Building Skillni bidingo Workshop-ko ong•atenga.
Ia Workshop-ko Project STAR-ni gita ong•atenga, jeon klas 12-o poraienggipa chatro chatrirangni gisepo seokako man•gipa sak 30 chadamberang bakko ra•enga. Ia Workshop-ko Tura, Dakopgre-o donggipa, SMELC buildingo November-ni 28 tarikoni 30-ona ong•atanggen ine parakataha.
Indake ia Workshop-ko oprake on•ani salo West Garo Hills a•jani DC Swapnil Tembe, Additional Deputy Commissioner aro District Planning Officer Winje G Momin, SDO (Sadar), District School Education Officer Abhisek Gowda, Vincent Helton Sikkim-ni Edvantage Learn-ni Founder, Principal, Head Mistress aro Headmaster-rangba bakko ra•angaha.
Ia Workshop-o jinmana aganprakengon, “Poraienggipa chatro chatrirangna skie ra•ani nambegipa chol ong•a. Uasan ong•aigija mikkangchi janggi tanganio dakna nanggni kamrangko aganskie on•angjolgen” ine DC Swapnil Tembe aganangaha.
Sikkim-ni Edvantage Learn Founder aro Trainer Vincent, Helton ia salgittam-ni workshop-o poraienggipa chadamberangna namgipa agankupattianiko on•anggen ine u•iataha.