CRF, Education Minister-na Scholarship-ni bidingo lekka sedoata

0

Tura, November 28, 2022: Constitutional Rights Forum (CRF) dolni President Greneth M Sangma, a•dokni Education Minister Lakhmen Rymbui-na lekka sedoatenba Scholarship man•kugijaengani gimin chatro chatrirangni man•na nangenggipa Scholarship-rangko ta•rake on•china mol•molataha.

“MDA sorkariko rikenggipa dilgiparang Education-ko skanggipa mikkango donne kamko ka•gen ine parakaha. Indiba MDA sorkarini Education-ko mikkango donne kam ka•anichi 2022 bilsio Secondary aro Higher Secondary Category-o Garo Hills-ni 34 percent chatro chatrirangsan pass ka•na gita man•aha. Unbaksana bang•a Garo Hills-ni chadamberang pre matric, post-matric scholarship-rangko man•tokujaenga. Directorate of Higher & Technical Education, chadamberangni scholarship-rangko bank-ona watataha ine u•iataha, indiba bank-oni watatgipa scholarship-rangko man•sokujaenga ine chadamberang janapatskaha. Directorate of Higher & Technical Education Office-ni Director, November 25-o talate seatgipa chittini gitade, scholarship napkugijagipa chadamberangni bank account mitam Account-rang Frozen, Account Inactive aro mitam biming melija ine u•iataha. Indiba chadamberangni aganani gitade, uamangni bank account namen dongenga aro uamang jakkalkuenga” ine Greneth Sangma janapatskaha.

Poraienggipa chadamberangni u•iatani gitade, 004-chi bon•gipa token nombor-rangsan scholarship-ko man•kujaenga. Una agre gipin chadamberangde man•tokaha. Uni gimin scholarship man•jani gimin duko ga•akenggipa chadamberangni man•na nangenggipa scholarship-rangko ta•rake on•pachina CRF mol•molangaha.

Leave A Reply

Your email address will not be published.