Tura, October 20, 2022: West Garo Hills a•jani Deputy Commissioner Swapnil Tembe, October 25 tariko chang 32-gipa Captain Williamson A.Sangma-ni siani salko chuttina parakataha.
Capt Williamson A.Sangma saksa Meghalaya a•dokni skanggipa Skotong Minister ong•e a•dokko sason ka•angahachim. Uni gimin October 25 tariko uni siani salko gisik ra•e a•dokni pilak sorkari Office-rang, Magisterial Court-rang, Revenue, Skul aro Kolege-rang West Garo Hills a•ja gimikon chutti ong•gen ine parakataha.