Resubelpara, May 14, 2022:Kal•susaanirango gisik nanggipa chadamberangna, North Garo Hills Wushu Association, re•baenggipa July 2 tarikoni klasrangko ra•na gita May jaoni June 25 tarikona Admission Form-rangko on•engaha ine North Garo Hills Wushu Association-ni President, Prangkybirth M.Momin ui•ataha.
Gisik nanggipa chadamberang Admission Form-rangko ra•ange gapatenba submit ka•na gita man•gen. Wushu ian Chinese-rangni mingsa kal•susani ong•a, ia kal•susaani Kungfu aro Martial Arts baksa apsan ong•a ineba Prangkybirth ui•ataha.
Jemangan ia kal•susaanio nape klas ra•na sikengachim, Admission-ni gimin talbate ma•sina sikode ka•mao on•atenggipa mobile number-rangona call ka•e sing•atna man•gen ine u•iataha.
Mobile number-ranga: 9366649441/
70052 45419/
87299 86456.
Ia mobile number-rango phone ka•e sing•atpachina gitaba mol•molataha.