Tura, May 28, 2022:May tarik walni 11:45 bajimango FKJGP Garo Hills Zone-ni membor-rang baksa GHADC-ni Forest Patrolling dol bakrime niam gri gipin a•dokchina watatenggipa bol gatgimin pick up truk bolsako rim•aha ine u•iataha.
FKJGP Garo Hills Zone-ni Additional General Secretary Rohit R.Marak-ni u•iatani gitade, Garo Hills-ni bolrangko niam gri cha•ue, songsul Assam a•dokona walni somoio salangenggipa pick up truk number AS 34C-0478 bolsako South Garo Hills a•jani ning•o donggipa Okkapara kal•chakram biap sepango rim•aha. Indake Garo Hills-ni bolrangko niam gri cha•ue gipin a•dokchi salanggiparango nanggipa chu•gimik lekkarang dongjachim.
Ia ra•sekgimin bolrang aro pick up gariko GHADC-ni Range Forest Officer in-charge-na pakwatataha ine u•iataha.