Nagaland, August 10, 2022: Nagaland Garo Tribe Council (NGTC)-ni President Karampal G Momin, The VOY (Voice Of the Youth) YouTube Channel-ko chalaienggipa nokgipani dakchakanina mittelpilani kattarangko parakataha.
Re•anggipa bilsio Rosy Sangma aro Samuel Sangma-ko ka•saninggija so•ote galani bidingo uamangna kakket bichalko ra•bana a•song gimikni A•chikrang rakbee kamko ka•angaha. Indake The VOY youtube Channel-ni nokipa rakbee kamko ka•aha. Indake ka•saninggija so•otako man•ne sianggipa ma•desa sakgnina kakket bichalko ra•bana gita dakchakahni gimin NGTC The VOY youtube channel-ni nokgipa aro A•chik sakantikon kusi ong•bee mittelpilangskaha.