NGO-rang Rongjeng C&RD block-ni ning•o donggipa office-rangko salgnina office picketingko ka•angna tik ka•a

0

Rongjeng, March, 27, 2022: East Garo Hills jolni nangrimgimin dingtang dingtang NGO-rang aro Rongjeng jolni manderang re•baenggipa March 29 aro 30 tarikrango salgni joljol Rongjeng C&RD Block-ni ning•o donggipa pilak Office-rangko picketing ka•anggen ine parakataha.

NGO-rangni parakatani gitade, ia office picketing-ko dakani miksongara, Rongjeng Model Degree Kolege-ko ru•uta salrangonin namdapate rikchina ba taripile on•china aro chu•onga gita kolege nokko ba building-ko rikchina dabiahachim, indiba a•dok sorkari nachil songjaengani gimin, Eaatern Zone-ni NGO-rang aro Rongjeng jolo songdongenggipa manderang chanchirimaniko dakenba salgnina Rongjeng C&RD block-ni ning•o donggipa pilak office-rangko kam ka•na on•gija champengataniko ba office picketingko dakanggen ine parakataha.Uni gimin Rongjeng jolo songdongenggipa sakantian pring 9:30 bajio office picketing-ona re•bae bakko ra•epachina mol•molataha.

Ia office picketing-ko ong•atgenchimoba Medical and Health Department aro gipin kamrangna nang•chongmotgipako maming champengani dongjawa ineba NGO-rang parakataha.

Leave A Reply

Your email address will not be published.