Tura, Sept 20, 2022: Garo Hills Autonomous District Council (GHADC)-o kam ka•enggipa, Non Gazetted Employee Association (NGEA) gital dilgiparangko seokaha aro ia seokgimin Executive Committee-ko approval ka•china Monggolbar salo GHADC-ni Secretary-na pakwatangaha.
Gital seoka man•gipa NGEA-ni dilgiparanga Brithen M. Sangma-President, Kessar M.Sangma Vice-President, Jill G.Momin-Secretary, Tengsime D.Shira-Joint Secretary, Sengmilla Ch.Marak-Accountant, Lakhindro Ch.Marak-Treasurer, Augustbell R.Marak-Adviser, John D.Shira-Executive Member, Sengsrang K.Marak-Executive Member, Sweet Marak-Executive Member, Timseng R.Sangma-Executive Member.
Ia sak 12 gital seokgimin member-rang bilsi gittamna, Executive Committee ong•e dilanggen ine NGEA-ni President Brithen M.Sangma u•iataha.
Brithen Sangma-ni u•iatani gitade, ia dilgiparang August 31 tarik 2022-oni a•bachenge, August 31 tarik 2025 bilsiona dilanggen. Uni gimin ia seokgimin Executive Committee-ko approval ka•e on•pachina, GHADC-ni Secretary-ko mol•molangaha.