Tura, Dec 3, 2022: December jani 14,15 tarikko National Federation for New State (NFNS) Delhi songjinmao donggipa Jantar Mantar-o tom•bimonganiko ong•atenga ine parakataha.
Ia NFNS Organization-o pilak State ba A•dokni ge•sa Organization ong•a. Ia tom•anio Garoland State Movement Committee-ba apsan bak ong•paa. Jekai Nikman Ch Marak, NFNS Delhi-ni Vice President donako man•aha. Ia tom•anio Pilak a•dok ba State-ni Dilgiparang apsan bakko ra•pagen ine parakataha. Ia tom•anio bakko ra•enggipa a•dokrangara jekai, Ladakh, Gurkhaland,Tripaland, Bodoland, Karbi, Telenggana, Garoland dingtang a•dok ba State-na dabigiparang gimikan apsan ku•monge bakko ra•anggen ine u•iataha.
Ia tom•bimonganiona jemangan re•na sikengachim, an•tangtangni korostangchi re•na man•gen ine u•iataha.