Nengkong, Chibe jolo Airtel Mobile Tower-ko name watjaenga.

0

Baghmara, May 14, 2022: South Garo Hills a•jani ning•o donggipa Nengkong aro Chibegre jolo dongipa Airtel Tower-ko name nirokjaengani gimin Network aro Internet Service, manderangna namen jakkaltogijani ong•enga ine South Garo Hills-ni Social Activist saksa Matsram N.Marak u•iataha.

Ia tower-o network aro internet service-ko jakkalna man•jani gimin, ru•uta somoirangonin manderang complain ka•ahachim, indiba, technical mobile tower-ko chalaiengipa airtel company-ni manderang knachakjaenga.Songni manderang phone ka•e ia mobile network-ni gimin, tower technical baksa agangrikna phone ka•oba uamang phone ra•chakrongja. Uni gimin songni manderang namen suk ong•gijaniko parakataha.

Matsram Marak-ni parakatani gitade, ua tower-ko chalaina gita on•enggipa diesel-rangko pale cha•enga ine kobor man•aha. Uni giminsa diesel dongjae, ia mobile tower-ko name watjaenga.

Songni manderang uamangko agana am•oba uamang knachakja aro namrenge ra•enga. Nengkong aro Chibegre mobile tower-ko manderangni jakkaltona gita wate on•na nanga ineba didiataha.

Ia jolni manderangna Airtel Network-ko tik ong•e watjagenchim ong•ode, songni manderang Airtel Network Provider ba Tower Techical-ni kosako Consumer Court-ona sokatna draatko man•naba donga ine parakataha.

Manderang Airtel Network-ko indin jakkja, an•tangtangni tangka paisachi recharge ka•esa jakkalenga.

Uni gimin chingni mol•molaniko knachake namgipa mobile service-ko on•pachina Airtel Network Provider-ko Matsram Marak didiataha.

Leave A Reply

Your email address will not be published.