Shillong, May 14, 2022: North Eastern Hill University (NEHU), Under-Graduate (UG) Even Semester-ko sena sienggipa porikkako May 25 tarikoniko June 2 tarikona ra•doataha.
Iani bidingo bang•a Kolege-rango skigiparang sal 90 gapgija maikai porikkako ra•na man•gen ine matnanganiko knaenba jinma apsan tom•e chanchirimaniko dake porikkako ra•doataha.
NEHU-ni Vice-Chancellor Incharge, Professor SB Prasad Sukrobar salo bang•a kolege-ni Principal-rang baksa asonge chanchirimangaha. Even Semester-rangko ja•manchakbee klasrangko a•bachengatani gimin uamang syllabus bon•neko matchotsrangkuja ine pilak poraienggipa chadamberangni namgnina porikkako ra•doataha.
Ia tom•anio chanchiani gitade, May 31 tarikona kingking klasrangko ra•angkugen, indiba July jani 10 tarikna skangde result-rangko parakatgen ine u•iataha.