29 Jan 2022, Tura: Niksamso A•chik Society (NAS) Meghalaya a•dok o niamgri koila badinganiko jegalenba Skotong Minister Pa Conrad Sangma na lekka sedoata. A•dok o niam gri koila badinganirangko champengna gita dingtang dingtang NGO-rang aro Opposition dol ni dilgiparang ba ja•ku de•angaha ine uamang parakataha.
“A•dokni Skotong Minister Pa Conrad Sangma, pilak manderangan bading chiwale cha•na mangen ine koila a•kolni chabirangko bikote on•a nanga, ong•jaode ua niam gri koila badingchiwalani rangko dontongatsrangna nanga. Truckni truck koila ko mandetangna badingna on•genchim ong•ode, pilakan badingna gita man•a nanga. Mikpakmae gipinrang man•skaja ode saksanaba on•na nangja aro darangba man•na nangja” ine NAS dolni President Tengrak Marak aganaha.