Tura, Nov 17, 2022: Gnigipa changna ong•atenggipa Me•gong Festival-o, Bangladesh a•songni A•chik Arara gitko ring•gipa, Antu Rechil-ko rimbaani gimin Garo Hills-ni chadamberang raken jegalsoaniko parakataha.
International Band-rangko rimbapile, Auto Tune on•ne git ring•gipa Artist-ko koros bon•ne rimbana kraja ine jegalataha. Unbaksa Garo Hills-ni chadamberang Music ba doka dam•anina bimchipgiparangko gachangbate ba galchange, ua Auto Tune Artist-ko rimbaaniara a•dok sorkarini jatko onchepani ong•a.
Uni gimin ia a•mikbrang git ring•gipa Garo ku•sik man•a man•ja git ring•gipako, Garo Hills-o ni Me•gong Festival o nokchakna man•jawa ine Garo Hills-ni chadamberang Me•gong Festival-ko ong•atenggipa Organiser-rangni kosako jegalaha.
“Antu Rechil-ko rimbae koros bon•atana bate Garo Hills-o donggipa chadamberangni Band-rangko International Band-rang baksa Perform ka•na ba bak ra•pachina cholko on•na nanga. Una agreba Garo Hills-ni gital musician-rangkosa ra•dona nangchongmota. Antu Rechil, music-ni gimin maming u•ia donggijagipa a•mikbrang git ring•ako chinga namnikja aro raken jegala” ine Garo Hills-ni chadamberang janapataha.