Meghalaya Games, 2022-o kal•susae chegipa chadamberangna NGH a•jani DA kusi ong•chakaniko parakata

Resubelpara, May 9, 2022:North Garo Hills a•jani chadamberang Meghalaya Games, 2022-o chu•gimik sak 28 bakko ra•angaha.
Ua sak 28 bakko ra•giparangoni Gold Medal ge-2, Silver Medal ge-3 aro Broze Medal ge 2-ko man•ne, chu•gimik ge 7 medalrangko man•baha.

Gold Medal man•giparanga, Te Tushal M.Sangma, bilsi 18-ni ning•o me•asarangna on•gipa Javelin Throw category-o chegipa ong•e Gold Medal-ko man•aha.

Gnigipa Tra Senitha G. Momin, bilsi 18-ni ning•o me•chikrangna on•gipa Javelin Throw category-o kal•susae, Gold Medal man•aha.
Gittamgipa Tra Silanchi M. Sangma, bilsi 18-ni me•chikrangna on•gipa Javelin Throw category-o Silver Medal-ko man•skaha.
Brigipa Tra Patiama K. Sangma, biksi 18-ni ning•o me•chikrangna on•gipa Long Jump category-o kal•susae silver medalko man•baskaha.
Bongagipa Te Chanangbirth Marak, bilsi 28-ni ning•o me•asarangna on•gipa Long Jump category-o kal•susae Silver Medal-ko man•aha.
Dogipa Tra Tengrimchi M. Sangma, bilsi 18-ni ning•o me•chikrangna on•gipa Javelin Throw category-o kal•susae Bronze Medal man•skaha.

Snigipa (4×100 Relay Race) ba miter 4×100-ko katsusaanio Bronze Medal man•giparanga
Tra Junima G. Momin,
Tra Silanchi G. Momin,
Tra Patiama K. Sangma,
aro Tra Senitha G. Momin.

Ia Meghalaya Games, 2022-o kal•susagipa North Garo Hills a•jani chadamberang gisiko nange aro krengbee kal•susaanichi medalrangko man•ne a•jana mikkim rasongko ra•bahani gimin, North Garo Hills a•jani District Administration nama sikaniko on•ata baksana kusi ong•chakaniko parakataha.