Tura, June 22, 2022: Prime Meghalaya aro Durama Association of Music and Arts (DAMA) baksa bakrime ong•atanggipa Launch-pad-ni bon•kamgipa salo git ring•susaanio chegiparangko parakangaha.
Ia manianio Tura-ni MP Agatha Sangma, DC Swapnil Tembe aro dingtang dingtang Department-rangni Officer-rang bakko ra•angtokaha. Launch-pad-ko re•anggipa May jaoni Online Audition-rangko ong•ate susaaniko a•bachengataha. Indake World Music Day-ni salko manijole, susaanio chegiparangko parakjolangaha.
Band-ni gita ring•susaanio Grace Within Trinity (GWT) chegipa ong•aha aro Solo ring•susaanio Sunny Tengbaan R Marak chegipa ong•skaaha. Indake a•bachengaoni bon•kamgipa salona kingking uamangni changa sapaniko ka•srokbee gitrangko ring•aha. Uamang judge-rangni gisik ka•tongrangko salna gita man•aha aro chegipa ong•na gita man•aha.
Unbaksana Mizoram-ni mingsing minggamgipa band Avora Records aro Goa-ni saksa ga•subegipa aro git ring•na changbegipa Lojal re•bae manderangko an•saoatangaha. Indake A•chik jatrangni gisepo ka•saani gitrangchi manderangni ka•tongko salna man•gipa Saldorik Dio Sangma-ko git ring•na changani, doka dam•anio ga•suanina aro manderangko an•saoatna changgipa gitchambegipa band-rangoni ge•sa Rough Road git ring•achi aro doka dam•achi manderangko an•saoatangaha.