Khasi aro Jaintia Hills-ni sak 400 Youth Congress-ni membor-rang Congress doloni ong•kata

Shillong, December 3, 2021: Khasi aro Jaintia Hills-ni sak 400 Meghalaya Youth Congress (MYC)-ni membor-rang Sukrobar salo uamangni primary membership ong•aoni ong•kate kam watani chittiko on•eaha.

MYC-ni General Secretary Fernandez Dkhar, kobor ra•timgiparangna aganengon, “Chinga apsan chanchirimenba resolution-ko ra•gataha aro Congress doloni kam watna tik ka•aha. Indaken chinga sak 400 membor-rang Youth Congress-oni ong•kataha aro kam watani chittiko on•aha” ine parakangaha.

Chingni ong•atani a•selde, Congress party tangka donggipa manderangkosa am•a, ” da•o uamang tangka donggipa manderangkosa nangenga. Uni gimin chinga kusi ong•ja, uamang tangkani giminsa aganronga” ine Dkhar aganaha.

Dkhar-ni matnanga gitade, Youth Congress dilgiparangna maming kobor on•gija Youth Congress-ni dilgiparangko bon•ataha. Meghalaya Pradesh Congress Committee (MPCC)-ni President ong•na sike Vincent Pala, Charles Pyngrope-na dakchake an•tangchi rimnapna miksongachim.

“Anga ma•sina man•jaha, maina uni gisik dingtangaha” ineba ua aganaha.

Congress-ni dilgiparangko politic kal•aha. “Maina ua ching baksa chanchirimchenggija dilgiparangko ra•galara, party-ni niamko ja•rikgijani kam ong•a” ine Dkhar matnangaha.

Meghalaya-o AITC-ko nichaksoani ong•enga, “Dingtanganiko ra•bana altugipa ong•ja, indiba pangnan indakgipa obosta ong•na man•aia” ine Dkhar aganaha. Dkhar TMC dilgiparang gronggenchimode jechakjawa ineba parakataha.