Resubelpara, April 10, 2022:Meghalaya a•doko skanggipa changna Meghalaya Civil Service (MCS) porkka sena gisiko nanggiparangna Sonibar salo program ong•ate skie on•angaha aro ia program-ko North Garo Hills a•jani Kharkutta Baptist Mondoli-ni Conference Hall-o ong•atangaha.
Ia program-o bang•a manderang gisiko nange bakko ra•angtokaha. Indake ia program-o North Garo Hills a•jani Kharkutta jolo donggipa dilgiparangni dakdilanichi ia program-ko chu•sokatna man•aha aro uandake program-o bak ra•giparangko nike kusi ong•an baksa skigiparang mande ra•aniko man•ne namen kusi ong•aniko parakangaha.
Program-o skie on•giparanga MPSC-ni Membor, Dr. L. Sangma, EKH-ni ADC M.S. Sangma, NGH-ni EAC L.T G. Momin, Ma T.N. Sangma aro WGH-ni Additional DC Dolrich Berin G. Momin.