Resubelpara,Jan14, 2022: North Garo Hills a•jani ning•o ga•akgipa Kharkutta elakkani Josephine Marak aro unbaksana bakrimgipa manderang Congress dolko wate BJP dolo napangaha ine koborna u•iataha.
Joshephine Marak saksa songsalna kam ka•gipa ba Social Worker ong•achim. Ua manderangna dangdike on•ani ja•mano Congress dolo donge Politic-ni a•bao kamko ka•skaha. Indake ua Narendra Modi-ni miksonganiko aro kamrangko namnike Congress dolko wate BJP dolona January 12 tariko napeaha.
Ua Tura-ni MDC Bernard Marak, GHADC-ni gitcham CEM Dipul Marak aro North Garo Hills a•jani BJP Secretary Sailas Marak-ni dongpanio BJP dolo napeaha ine parakataha.