Baghmara, July 13, 2022:Joint Action Committee (JAC) Chokpot-oni Sandong-ona tarienggipa rama namen ka•sinenga aro maini a•sel jasa ong•gijan nosto ong•enga ine sing•doangaha.
Ua ramako salanti re•ruraenggipa manderang namen nengnikaniko man•nengani gimin ta•rake kamrangko matchote on•china didiataha.
JAC-ni President Chingkha R.Sangma-ni u•iatani gitade, ramarang namsrangjani gimin, sagipa manderangko ta•rake hospitalrangchi ra•rurana gita namen neng•nikani ong•enga aro dingtang dingtang bading chiwale janggi tangenggipa manderang re•a doanio neng•nikaniko man•tokenga. Unbaksana skul bi•sarang wachini somoio neng•nikbatenga ine u•iataha.
Uni gimin, je contractor-an ia ramako tariengachim, namedake aro matchotatchina JAC dabiangaha.