Williamnagar, Sept 9, 2022: Meghalaya Pradesh Youth Congress Committee (MPYCC)-ni gita “YOUTH JODO” Campaign-ko September 10 tarik Sonibar salo ong•atenga.
Ia campaign-ko Tura songjinmao ong•atangen ine u•iataha. Ia Campaign-ko ong•atani miksongara Congress Party-ko grassroot level-oni kosakbatgipa level-ona bilakatna kam ka•ani ong•enga. “YOUTH JODO” Campaign-ko India a•songni Salgipeng Kahaia Kumar-oni a•bachenge India-ni Salgro Salaram a•dokrango ong•atanggen.
IndakeTura songjinmao ia Campaign-ko dake jinma remjomaniko IYC-ni General Secretary Nur Sofiqul Wazid aro Junebirth C.Marak dilangen ine u•iataha.
Uni gimin Meghalaya Youth Congress Committee-ni membor-rang bakko ra•china Garo Hills-ni chamderangko mol•molatenga. Maina an•ching apsan ku•monge asongni corruption, gipina jatna mitchiani (fascism) aro jatsa jat gipinko sason ka•e roaoni ba (Communist)-ko chel•chakna miksongani ong•a. Uni gimin chadamberang a•songni manderang kam man•jae kangkal cha•asiaoniko aro begruengipa a•songni Democracy-ko rikpiltaina apsan kamko ka•anggen ine parakataha.