Tura, April 13, 2023: Tura District Cricket Association (TDCA) Inter Club Cricket Tournament (ICCT)-ko re•anggipa December, jaoni April jaona, Tura Alotgre Cricket Ground-o ong•atangaha.
Ia kal•susaaniko re•anggipa bilsi December jaoni a•bachenge, April 12 tarik 2023-o matchotaha. Indake ia Division B-ni bon•kamgipa kal•susaaniko Guare baksa Dalu Cricket Association kal•susaangaha. Ia bon•kamgipa ba Final kal•susaanio Dalu Cricket Association, Guare-ko 45 run-rangchi amate trophy-ko man•aha.
Ia kal•susaanio Ravin Dokgre nambee ball-rangko goanichi over 4.1-o sak 5 wicket-rangko ra•aha aro uni over-o run 4-kosan man•aiaha, indake ua Player of the Match-ko man•aha.
Unbaksana, Dalu Cricket Association-ni Chillian Sangma nambatsranggipa bowler ba best bowler ine mingako man•aha. Apsan team-oni Jongkam Marak Player of the Tournament-ko man•skaha. Uandake Balachanda Cricket Association-ni Mingku Marak nambatgipa ball dokgipa ba best batsman ine minhako man•aha.
Indake Garo Hills gimikni Division B-o team 21 Club-rang ba Team-rang ia tournament-o bakko ra•angtokaha. Ia kal•susaaniko ba tournament-ko bilsianti TDCA ong•atenba, kal•susaanirango chadamberangni changa sapaniko apsan ong•atna aro tang•doatna gita Cricket kal•susaaniko ong•atenga. Iano kal•giparangko seoke, District aro a•dokni Professioner Cricket-ko represent ka•e, Syed Mustaque Ali Trophy, Vijay Hazare Trophy, Ranji Trophy, CK Naydu Trophy aro gipinrango kal•susaanggen.
Ia Division B-ni kal•saanio Dalu Cricket Association toss ka•anio amaha aro skang dokchengaha. Indake Dalu CA, Over 24.1-o 113 run-rangko doke sak 10 wicket-rangko gimaataha. Apsan dake Guare Over 21.1-o 88 run-rangkosan doke, chu•gimik sak 10 wicket-rangko gimaataha, indake Dalu CA, 45 run-rangchi Guare-ko amataha.