Shillong, Jan 25, 2023: Indian National Congress (INC) re•baenggipa Assembly eleksin-o susaenggipa sak 15 Congress candidate-rangni bimingrangko gnigipa list-o parakataha.
Congress party re•anggipa December 30 tarikon sak 40 candidate-rangko parakataha. Indake gnigipa list-o sak 15 candidate-rangko parakatengon, Congress party ticketo susaenggipa candidate-rang chu•gimik sak 55 gapaha.
Gnigipa list-o parakatgipa candidate-ranga, Khasi aro Jaintia Hills-ni 2-Jowai elakkao Daniel Dan, 3-Raliang elakkao Richard Singh Lyngdoh, 12-Umroi elakkao Stanliwis Rymbai, 13-Mawryngkneng elakkao Erson Marwien, 18-West Shillong elakkao Ma Bethleen Dkhar, 26-Shella elakkao Wellborn Bynnud, 31-Mawthadraishan elakkao Fourteen Lyngkhoi.34-Mawshynrut elakkao Andrew Charles Care.Garo Hills-ni 42-Rongjeng elakkao Jeebing G.Momin, 46-Phulbari elakkao Sailendro R.Sangma, 48-Selsella elakkao Reynold M.Sangma, 51-South Tura elakkao Brenzeild Ch.Marak, 55-Salmanpara elakkao Sinbath Ch.Marak, 56-Gambegre elakkao Saleng A.Sangma aro 60-Baghmara elakkao Alphonse Ch.Sangma.
Meghalaya Legislative Assembly-o ge 60 seatrang donggipaoni bangki ge 5 seatrang dongkuenga, uaranga Khasi aro Jaintia Hills-o ge-2, Garo Hills-o ge-3 seatrango INC candidate-rangko parakatkuja.