Iewduh bajaro PA System-ko songe on•a

0

Shillong, January 12, 2022: East Khasi Hills a•jani pale sim•e cha•anio dal•batgipa bajar Iewduh-o (Bara Bajar) Public Alert (PA) System-ko Hima Mylliem jinmani namgnina donaha. PA System-ko songe on•anichi bang•a daksruke, cha•ue cha•gipa aro bang•a ong•gija kam ka•giparangoni chel•chakgen aro naljokgen ine u•iataha. Bang•a changon Iewduh bajaro tangka, bag ba mobile phone gimaniko knana gita man•aha, iarangko chel•chakna gita chinga PA System-ko songaha ine parakataha. Iewduh bajarni Official Incharge S Nongkhlaw, Budbar salo jinmana PA System-ko songe on•angaha.
“PA System gita chinga manderangna obostarangni bidingo mikrakataniko on•na gita man•gen aro bang•a changon Iewduh bajarona re•bagiparang mande bang•ode bi•sarang ma•gipa-pagipaoni brangronga, indakgipa somoioba PA System-ko jakkalna man•gen” ine S Nongkhlaw aganaha.
Iewduh bajaro bilsi 25-na bate ba•ra palgipa C Jyrwa,” Anga Iewduh bajaro indita bilsirangna ba•ra palaha, indiba batanggipa bilsirango anga bosturangni gimaaniko aro bajarona re•bagipa manderangni bostu gimaaniko nikaha” ine aganaha. Iewduh bajaro PA System-kosan ong•aigija CCTV Camera-rangkoba donode nambatgen ine KHADC-ni dilgiparang Hima Mylliem-ko didiangaha.

Leave A Reply

Your email address will not be published.