Tura, March 25, 2022: Garo Students Union Western Zone (West) Raksamgre Unit-ni President Tengroang Marak aro uamangni kosako matnanggipa kattarangni bidingo agantalataha.
“ GSU Western Zone North Dadenggre-ni President Rupa Marak 2018 bilsini MLA eleksino susagenchimoba ua GSU President-ni kamko watgalja ba resign ka•jani a•sel uamang bon•chongdikatako man•aha. Indide Tengsan Marak-ara maikai Phulbari Regional Unit-o Eleksin-ko ong•atna, Eleksin Commission-ko ra•chakna man•aha? GSU-ni President Rupa Marak kamtangko wate on•kuja indide Tengsan Marak-ara maikai an•tangko GSU Western Zone North Dadenggre-ni President ine aganchakskaenga, sawa Tengsan darangba ma•sija, sawa uko president songa aro sawa approve ka•achim? Regional Unit-rangni aro Central Executive Committee (CEC)-ni maming u•ia ma•sia gri sawa Tengsan Marak-ko President songskaaha? An•tangari basakoba GSU-CEC-ni ra•chaka gri ong•na mai bil donga? Phulbari Regional Unit-ni eleksin-ko ong•atna nanggenchimoba uamang Western Zone (West) Raksamgre aro CEC-Tura-na u•iate Eleksin Commission-ni raiko ra•chengna nanggen. Tengsan Marak an•tangko GSU Western Zone North Dadenggre-ni President ong•drakate Eleksin Commission-ni membor-rangko GSU Western Zone West Raksamgre-na aro GSU-CEC Tura-ni dilgiparangna maming u•iata gri songdrana man•jawa, maina jinmani nikanio kragipa ong•ja aro niamni kosako re•ani ong•chongmota. Uni gimin Tengsan Marak-ni songdragipa Eleksin Commission-ko bon•atjagenchimode, ian GSU-na namgijagipa bimingko ra•bachongmotgen” ine Tengroang Marak janapataha.
Uni gimin, anga Teroang Marak pilak ma•a, paa, Nokma, Sordar aro pilak chadamberangko Tengsan Marak-ni matnanggipa kattarangko bebe ra•jachina mol•molaha.