Williamnagar, May 19, 2022:Garo Students’ Union (GSU) Mangsang Regional Unit-ni gital dilgiparangko seokani bidingo May 18 tarik Monggolbar salo GSU Eastern Zone (EZ)-ni dilgiparang baksa tom•e chanchirimangaha.
Ia tom•anio chanchirimani gitade, GSU Mangsang Regional Unit-ni dilgiparangko seokna gita re•baenggipa June 10 tariko eleksinko ong•ate gital dilgiparangko seokna tik ka•angaha.
GSU Mangsang Regional Unit-ni dilgiparangna on•gimin sal somoirang chong•motan (Terms and Condition) bon•ahani gimin, eleksinko ong•ate gital dilgiparangko seokanggen ine Williamnagar GSU-EZ-ni President Saljrang Tengrik R.Marak parakataha.