Tura, July 26, 2022: Garo Students’ Union, Centre Executive Committee (GSU-CEC), Director of Health Service-na lekka sedoate, GNM aro ANM-ni registration tarikko ra•doatchina mol•molataha.
“A•dokni bang•a chadamberang GNM aro ANM-o galrikna am•oba result-rangko man•kujaengani a•sel registration tarikkon sraprikjawa ine jajrengtokenga. Maina Health Service Department-ni u•iatani gitade, July 29 tarik 3 bajionasan register ka•aniko ra•chakgen ine parakataha. Uni gisepon klas 12 porikkako segipa CBSE aro ICSE chadamberang da•onan result-ko man•kujaenga.
Uni gimin Health department CBSE aro ICSE porikkani result-ko sengna nangchongmota. Indake ong•engon, chinga GSU-CEC, ANM aro GNM-ni registration tarikko ra•doatchina Health Department-ni Director-ko mol•mola” ine GSU-CEC-ni President Zikku Balgra N.Marak u•iataha.