GSMC-Pedaldoba Regional Unit CM-na lekka sedoata

0

Tura, Sept 23, 2022: Garoland State Movement Committee (GSMC) Pedaldoba Regional Unit, a•dokni Skotong Minister Pa Conrad Sangma-na Sukrobar salo lekka see on•ataha.

GSMC Pedaldoba Regional Unit-ni janapatani gitade, GHADC-ni gitcham CEM Benedik R.Marak batanggimin salrango B-Mahal-o songdongenggipa manderang a•a bigha gniprako tangka gong hajar 20-ko game patta tarie ra•na man•gen ine u•iataha. Indiba a•a patta-ni validity-ko bilsisasan ong•aiachim, uni ja•mano certificate fees, tax fees aro renewal fees-ko game, taritaina man•gen parakataha. Indiba da•o ong•enggipa gital Executive Committee-rang Benedik Marak-ni tik ka•anggimin niamko ra•galskaha.

“GHADC-ni gital Executive Committee (EC), B-Mahal-ni a•a hacter 50-ko Meghalaya Tourism Development Corporation (MTDC) aro Meghalaya Industrial Development Corporation (MIDC)-na kror 58-na palaha ine chinga koborko man•aha. Uamang a•a palani tangkarangko man•aha ineba kobor man•aha. Indiba GHADC-ni EC da•onaba ia a•arango maiko dakna miksongenga aro maidakgipa namroro silroroanirangko ra•bana am•enga, maming talatani dongkuja. Unbaksana Meghalaya aro Assam a•dokni sima arini bidingo ta•rake namatna ja•ku de•na nanga. Bang•a songrang jekai Pedaldoba, Fukimari, Boljhora, Thakurbilla aro Sualmari-ni gimin chanchianiko dake manderangni namgnina kamko ka•na nanga. Assam sorkari ia songrango bang•a building nokrangko rike donengaha, uni gimin mikkangchi bang•a neng•nikanirangko ra•bagen. Re•anggipa 2005 bilsionin GHADC-o a•a patta ma•njani a•sel, Assam a•dokni gita A•a patta on•aha. Indake Pedaldoba-ni wilwilao donggipa bang•a songrangna Assam a•dokni gita a•a pattarangko on•aha” ine GSMC Pedaldoba Regional Unit-ni Chairman Rimjen Ch.Sangma janapataha.

“Chinga GSMC dol ia obostarangni bidingo ta•raken ja•ku de•china Skotong Minister-ko mol•molangna sika” ine Rimjen Sangma parakataha.

Leave A Reply

Your email address will not be published.