GSMC, Maikhuli songko Assam a•doko chapatani gimin raken jegalata

0

Tura, March 16, 2022: Garoland State Movement Committee (GSMC), Meghalaya aro Assam a•dok damgnini sima ari jolrangko so•sojengjeng kajia golmal ong•anirangko namatna gita, Regional Committee-rang recommand ka•aha ine Budget Session-o parakatanina suk ong•gijaniko parakataha.

GSMC-HQ, Tura-ni Organising Secretary Jason Tengkrang M.Sangma, Skotong Minister Conrad Sangma-ni Budget Session-o jinmana parakatgipa Ri-Bhoi a•jani sima ari nangchapgipa Maikhuli song aro Mawmari Beel-de Assam-o ong•gen indiba Gopram donggipa biapde Meghalaya-ni ong•skagen ine parakataniko raken jegalataha.

“Ri-Bhoi a•jao ga•akgipa Maikhuli songo songdong a•chagipa A•chikrang, skangonin Meghalaya-ni voter Id card-rangko jakkale, Meghalaya sorkarini on•enggipa pilak namgnirangko man•ne janggi tanggiparang ong•a, indide ua manderang da•o maikai Assam a•dokchi re•ange ma•branggen, Conrad Sangma Meghalaya-ni Skotong Minister ong•e, A•chik jatni saknaanirangko ma•sina nanga aro maming dakeba Maikhuli songko, Mawmari Beel-ko Assam a•doko chapatana man•jawa. Skotong Minister Conrad Sangma changsaba Maikkuli songona re•ange, songni Nokma, Gaonbura, songni dilgiparang aro songni manderang baksa maming chanchima gri an•tangni sika gita kam ka•e, Meghalaya a•dokni A•chik songrangko Assam a•dokna pale cha•na nangja” ine GSMC-ni dilgipa jegalataha.

Leave A Reply

Your email address will not be published.