Gimagimin manderangni janggina korakki gamchina NAS dabia

0
Williamnagar, December 6, 2021: East Garo Hills a•jani Niksamso A•chik Society (NAS) Garo Community Organisation batanggimin salrango rong•te salgipa dumper truk garirang dos gri manderangni gimagipa janggina korakiko on•kujaengani gimin NAS suk.ong•gijaniko parakataha. Bangladesh-ona ro•ong challan ka•giparang manigija ro•ong salruraani a•sel bang•a manderangni gamchatgipa janggirangko gimaataha ineba parakataha.
NAS-ni General Secretary Tengrak Marak-ni seachi u•iatani gitade, gimagimin manderangni janggirangna korakiko on•gija badingchiwalanio dos dakgiparang manderangko kakket bichal ka•na nanga ineba dabiangaha. Maina dos gri manderangni janggirang gimagipa nokdangna korakiko on•na nangchongmota, on•ja ong•ode, raka ja•kuko de•e jingjengataniko ong•atskagen ineba parakataha.
Una agreba Wildlife Department, je songrangon matburingrang mandeni janggirangko kal•ake siataha aro mal gamrangko nosto ka•ahachim uamangni nokdangna korakiko on•na nangchongmota ineba dabiangaha.
Buringni matburingrangko so•otode sorkari mandeko sasti on•na niamrangko dona, apsandake matburingrangni manderangko nosto ka•genchimode sorkari aro Wildlife Department, duko ga•akgipa nokdangna korakiko on•skachina NAS raken mikkrakataniko on•ataha.
Leave A Reply

Your email address will not be published.