Tura, April 22, 2023:Garo Hills Autonomous District Council (GHADC)-ni CEM Albinush R.Marak aro Deputy CEM Nikman Ch.Marak, B-Mahal-ni manderang baksa Bristibar salo tom•e chanchirimaniko dakenba, Assam a•dokni sima ari jolrango donggipa, West Garo Hills aro North Garo Hills a•jani ning•o ga•akgipa B-Mahal a•ao songdongenggipa manderangna Settlement-ko dake on•na tik ka•aha.
GHADC-ni Deputy CEM, Nikman Ch.Marak-ni koborna u•iatani gitade, gipin a•dokoni napdrabae, B-Mahal a•ao songdongenggipa aro bagan bari dakgiparangko raken champenganiko dakna GHADC, sing•sandianiko dakgen aro raka ja•kuko de•e, kamko ka•anggen ine parakataha.
B-Mahal a•ao ru•uta bilsirangna songdongenggipa manderangni neng•nikaniko ma•sichake, GHADC-ni dilgiparang nama miksonganio settlement-ko on•na tom•e, chanchirimanio bang•a songni manderang re•bae bakko ra•angtokaha.
Indake ia nambegipa miksonganina ja•ku de•dilenggipa GHADC-ni dilgiparangko songni manderang de•mittele, an•tangtangni kusi ong•aniko parakatskaha.