Williamnagar, August 12, 2022: Williamnagar Bar Association-ni Ukil-rang a•dokni Skotong Minister Conrad Sangma-na lekka sedoatenba, Garo Hills a•jaoba High Court-ni bench ba jakko tarie on•china dabiangaha.
Williamnagar Bar Association-ni u•iatani gitade, Conrad Sangma Ukil-rangni dabianiko knachakgenba nama aganchakaniko on•ataha.
Meghalaya High Court-ko Shillong songjinmaona 2013 bilsiosa a•bachengaha. Una skangde Guwahati High Court-sa Meghalaya a•dokni case-rangko nirokachim.
Bar Association bang•a manderangni kakket bichalko sandigenchimoba uamangni case-ko Shillong songjinmani High Court-ona watdoatahaoan tangka paisarangna neng•nikaniko man•ne District Court-on case-tangtangko bon•chongdikatna nangaona sokaia. Shillong songjinma Garo Hills a•jaoni namen chel•beani gimin High Court-ni Ukil ong•na tarimsamsona gitaba neng•nikaniko man•a. Iani a•sel bang•gija manderangsan Senior Lawyer ong•na gita cholko man•aia. Uni gimin manderangni neng•nikaniko niate, Williamnagar Bench Association, Garo Hills a•jao High Court bench-ko ra•bae on•chongmotna nanga ine dabiangaha.