Shillong, September 21, 2022: East Khasi Hills a•jani pulisrang mande saksako rim•e sing•sandianiko dakon uni gari ning•oniko cha•ue ra•bitenggipa gari battery ge•briko man•aha.
Pulisni u•iatani gitade, Local Taxi Registration nombor (ML 05 E 6607)-ko rim•aha, jeon garini battery ge•bri gnangchim.
Koborni gitade, ua Laban Last Stop-o park ka•e dongipa garirangni battery ong•achim, jekon ua cha•ue ra•angengachim.
Ia obostani bidingo Laban Pulis Station-o badi ka•aha ineba u•iataha.