Guwahati, December 10, 2021: West Garo Hills a•jani saksa game ge•e cha•an baksa kamtangko bimchipe ka•gipa aro songsalko dilgipa Layland Marak-na uni kamrangko nikenba “Green Guru Award”ko Balipara Foundation Award Ceremony 2021-ko mande ra•an baksa on•aha.
Layland Marak Ganolgre songoni ong•a. Ua Rongram Community aro Rural Development (C&RD) Block-ni ning•o donggipa manderangna a•ba o•e chagija nokdangko chalaina bang•a cholrangko mesoke on•aha.
Marak, Chijingjang ine an•tangni Self Help Group-ko donenba, aloevera-oniko dingtang dingtang bosturangko tarie palenga aro ua bang•a manderangkoba uamangni jumangko chu•sokatna gita bang•a dakchakanirangko on•aha.
Una Balipara Foundation Award Ceremony-ko Eastern Himalayan Natureconomics Forum-ni skugipa edition-ko gisik ra•na gita ong•atangaha.