FKJGP Nongalbibra Circle MLA-ni kamna suk ong•gijaniko parakata 

0

 

Baghmara, October 27, 2022: Federation of Khasi Jaintia and Garo People (FKJGP) Nongalbibra Circle, re•anggipa July 20 tariko Rongara-Siju elekkani MLA Rakkam Sangma-na lekka sedoatenba Nengsingittim-oni Jongsingittim-ona Simsang chibimako kabatgipa hanging bridge-ko taridape on•china mol•moltahachim, indiba da•alona kingkingba maming aganchakaniko on•kuja ine FKJGP Nongalbibra Circle suk ong•gijaniko parakataha.

FKJGP Nongalbibra Circle-ni janapani gitade, Nengsinggittim-oni Jongsingittim-ona ga•batgipa hanging bridge nosto ong•aha. Ia dollongko bang•a songrang jekai Dajugittim, Jangkal Awe, Nengbrek, Jongsingittim, A•kep, Darang Chima Dachit, Nengsrang aro Darang Boldak-ni manderang jakkalenga. Seroni Nengminja Secondary Skulo poraienggipa chadamberang salantian ia dollongko ga•batenga. Indake ia dollong salsa bate bate nosto ong•rikrikenga. Ia dollongni nosto ong•anganiko nike, songni manderang dollong dongjaode neng•nikbeani ong•gen, ine ua dollongko rakatna wa•dingrangchi aro ramram tar budurangchi kae jakkalenga. Ia dollong dongjagenchimode, Simsang nalsao donggipa adita songni manderangna bang•a neng•nikani ong•gen aro manderangni ga•batmiting somoio tanggitik dollongni budurang chottome a•selrang ong•aniko champengsona gita ia dollongko ta•raken taridape on•na nangchongmota ine FKJGP dabiangaha.

Rongara-Siju-ni MLA Rakkam Sangma, “Chingni dabianiko da•onaba maming aganchakaniko on•kujaenga. Ua manderangni neng•nikaniko ta•raken nirokatna nanga. Ia hanging bridge dongjaode, skul re•gipa bi•sarang aro songni manderangna dal•bea neng•nika ong•chongmotgen. Uni gimin songdongenggipa manderangni namgnina aro a•sel ong•gnioniko naljokatna, ta•rake nosto ong•gipa hanging bridge-ko tarie on•china chinga FKJGP-ni gita mol•molatpaenga” ine FKJGP Nongalbibra Circle-ni President Bikrom Sangma u•iataha.

Leave A Reply

Your email address will not be published.