Shillong, April 21, 2022: Nokdang ge·sani sakgittam manderang bol ga·akdapani a·selo janggitangko gimaata.
Ru·utkale koborrangko man·soani gitade ia obosta April jani 16 tarik o East Jaintia Hills a·jao ong·angaha. Sianggipa sakgittam uamangni bagan o kam ka·ani ja·man nengtake rona ine rikgipa noktopno tusimiting somoio ia a·sel ong·aha ine u·iataha.
Sianggipa sakgittam ranga Asman Surong, Goldy Surong aro Stray Surong ong·achim. Uamangni nokdangni manderangni parakatani gitade, uamang nok oni bagan ona kanta 6 rangni gita ja·achi re·na nangani gimin sianggipa sakgittam baganon pangnan walturongachim. Indake mikka balwa rakani a·selo dalbe·a bol uamangni noktop o be·dapanichi uamang janggitangko gimaataha ine koborna parakataha.
Bagan ona kam ka·na re·anggipa manderangsa uamangni sigimin manggisiko April jani 18 tarik o nikeaha ineba agandapaha.