Williamnagar, March 14, 2022: East Garo Hills a•jani Deputy Commissioner, Swapnil Tembe Sombar salo M/s Jim’s Flame aro Shira Indane Grameen Vitrak-ni kg 10 gas cylinder-ko oprake on•anio bakko ra•angaha.
Iako oprake on•anio Swapnil Tembe mongsonggipa mande ong•e jinmana aganprakengon, ua Jim’s Flame Agency aro Shira Indane Grameen Vitrak-ko uamangni kamna demittele aganangaha aro uamangni kamara a•jao songdongenggipa pilak manderangna namgni ong•aha. Bol de•naniko komiatna aro bolrangko ripinge rakkina EGH District Administration-ni manderang dingtang dingtang songrangchi re•ange PMUY 2.0 scheme-ni ning•o LPG Cylinder-ko jakkalchina manderangko didienga ineba aganangaha.
Ia Cylinder-ko oprake on•angenggon, Deputy Commissioner sak 7 manderangna ia gitalgipa cylinder-ko sualataha ineba koborko man•aha.
Ia gitalgipa cylinder maram cha•gijagipa ong•a, jreaniba komgipa ong•a aro gas-ni bon•anganikoba nie ma•sina gita man•a ine IOCL Dorothy Das aganangaha.