Williamnagar, July 20, 2022: East Garo Hills a•jani NGO-rang GSU, FAF, FKJGP aro AIGU apsan nangrime July 21 aro 22 tariko MeECL Department office-ko picketing ka•anggen ine parakataha.
“Chinga July 21 aro 22 tariko, MeECL office-ko picketing ka•anggen. Chinga re•anggipa June 26 tariko MeECL Department-na lekka sedoate, bijoli tik ong•jani bidingo sing•doangaha, indiba uamang chingni sing•anina mamingkoba aganchakjaha. Indake uamangni maming aganchakaniko man•jani gimin chinga July 15 tarikoba apsan dake sing•doangtaiaha, indiba uamang mamingkon aganchakjaha. Iani a•sel chinga GSU, FAF FKJGP aro AIGU apsan ku•monge office picketing-ko ong•atanggen” ine East Garo Hills a•jani Deputy Commissioner-na lekka seachi u•iataha.