Jowai, June 16, 2022: Kobor man•soani gitade, Bristibar pringni 9 bajimango mikka jimbee waanichi chiringni chirang dal•bae rang•san kosakoni ka•maona jokprak jokrurue, East Jaintia Hills a•jani Lumshnong Pulis Station-ni ning•o donggipa National Highway(NH)-06 sorokni adita bakrang namen nosto ong•aha aro jrimgipa garirang jekai truk aro bus-rang sorokko batsotna man•gija jachange dongna nangaha ine pulisrang u•iataha.
Uni gimin HMV ba jrimgipa garirangko salgiparang nosto ong•gipa sorok gita re•rurajachina mikkrakataniko on•ataha. Unbaksana department-rang ta•rake nosto ong•gipa sorokrangko ta•rake kamrangko ka•e on•pilchina u•iataha. Una agreba gario songregipa manderangna aro gari salgipa driver-rangna nanga gita dakchakaniko on•china gitaba didiataha.