Dolphin biscuit factory-ni bidingo sandie sal 30-ni gisepo report on•china DC ge•eta     

Tura, June 16, 2022: A•konggre Sepoy Colony gittim ning•o niam gri Dolphin Biscuit Factory-ko chalaienggipa Bhanu Saha-ni kosako Sepoy Colony Development Committee (SCDC)-ni President Mitison D.Sangma re•anggipa June 9 tariko badi ka•e West Garo Hills a•jani Deputy Commissioner, Tura Municipality Board (TMB) aro Meghalaya State Pollution Control Board (MSPCB) Shillong-ona lekka sesoate Bhanu Saha-ni biscuit factory-ko gipin biapchi ra•jitangchina dabiani gimin, West Garo Hills DC, Monggolbar salo Dolphin Biscuit Factory-ko namedake sing•sandianiko dake, Sepoy Colony gittimoniko gipin biapchi ra•jitangchina TMB-ni CEO-ko ge•etangaha.

SCDC-ni talata gita kakket ong•ama, ong•ja iarangko ta•rake sing•sandianiko dakenba MSPCB, Shollong-ona sal 30-ni gisepo report-ko on•atchina DC ge•etaha.