Jowai, July 6, 2022:West Jaintia Hills a•jani Pulisrang “Drug Free Meghalaya”-na miksonge rake kamrangko ka•anichi chu•sokaniko man•taiaha ine u•iataha.
Pulisrang Monggolbar salo drugs ba pekgipa samrangko badinggipa manderangko rim•aha aro uamangni pekatgipa samrangko ra•ekaha.
“Skotong Minister Conrad K Sangma-ni namgipa agan ku•pattianichi, chinga drugs ba pekgipa ringanirang mandeni be•ena namgijako ra•bagipa ong•a, a•doko uandakgipa badinganirangko bon•atna chinga krenge aro bimchipe kamrangko ka•angkugen” ine WJH-ni pulisrang parakataha.
Indake iani bidingo sandianiko dakengmiting somoio, West Jaintia Hills-ni pulisrang sak 3 manderangko rim•maha. Ua manderangoniko tangka gong lak 4-ni gram 108 ong•gipa heroin baksa 7.65mm pistol ge•sa, guli rong 4-ko ra•sekaha. Una agreba gari bolgni aro mobile phone ge 3-ko man•aha ine Meghalaya-ni Director General of Pulis (DGP) Dr. LR. Bishnoi koborna u•iataha.