Dr Mukul Sangma Songsak-o WE Card-na biming segatdilanga 

0

Williamnagar, Dec 23, 2022:Dr Mukul Sangma an•tangan volunteer dake, Meghalaya TMC-ni on•enggipa Women Empowerment (WE) Card-na Songsak-o offline gita biming segate ba registration ka•e on•dilangaha.

A•jatango atchigipa, Trinamool Congress Legislature Party-ni dilgipa aro Meghalaya Legislative Assembly-ni warachakenggipa dolko dilenggipa Dr. Mukul Sangma an•tangan volunteer dake Songsak-ni me•chikrangna, Meghalaya Financial Inclusion for Women Empowerment (MFI-WE) Scheme-ni ning•o WE Card-na biming segatanio dakchake aro kam ka•e on•angaha.

Dr Sangma Sukrobar salo dilgipa gita elakkatangona re•angjaha, indiba uni ka•tongo me•chikrangna ka•saaniko mesokna, ua an•tangan ramram mande ba volunteer gita salgimik Songsak-o kiosks registration-rangko dakdilangaha aro chakchike me•chikrangni bimingko offline registration gita form-rango gapate on•angaha.

Minggipin, online gita WE Card-o registration ka•gipa Meghalaya a•dokni me•chikrang Meghalaya TMC-na kakket ong•e chakgiparang sak hajal 60-na bataha ine koborna u•iataha.

Leave A Reply

Your email address will not be published.