Dome be•gruani ja•pangko sandina nangchongmot: Metbah Lyngdoh

0

Shillong, May 24, 2022: Shillong songjinmao rikenggipa gital Assembly Building-ni Protchong (Dome) be•gruani bidingo ning•tue sandianiko (enquiry) dakna nangchongmotgen ine Assembly Speaker Metbah Lyngdoh koborna parakataha.

Metbah Lyngdoh, kobor ra•timgiparangna parakatengon “Gital rikenggipa Assembly Building-ni protchong ba Dome be•grugen ine darangba ka•dongsoani dongjachim. Anga ia gital rikenggipa Building-ko changni chang re•rokroke baditana kingking matchotaha uarangko nirokronga. Assembly Building-ko re•baenggipa September jao oprakgen ineba parakatahachim, indiba Dome be•gruani a•selo agangimin somoi gita oprakna man•jawaha unaba jajrengani gnang” ine aganaha.

Assembly Speaker Metbah Lyngdoh, Budbar pringo Skotong Minister Conrad Sangma baksa be•gimin Dome-ko nina aro sing•sandina gita re•anggen ine parakataha.

Unbaksana New Delhi-ni Chief Consultancy-ba re•angpagen ine u•iataha.

Assembly Building-ni Dome wal•jatchiosa be•gruna nanga, salo be•grugenchimode, kam ka•enggipa manderangni janggian gimagnokchim, indiba rasong gnangbee darangba janggitangko gimaata dongjaha.

“Ang•ni chanchiani aro ma•siani gitade Dome-ko design ka•anio gualani ong•aha, ong•jagenchimode rikanio gualani ong•aha. Anga Engineer aro Delhi-nk Consultancy baksa iani bidingo agangolpogrikaha, indiba anga uamangni aganchakaniko chu•ongnikja. Ia Dome-ni be•gruani ja•pangko ma•sina enquiry ka•na nangchongmota. Chinga ia Dome-ko ia bilsian matchote rikna jotton ka•anggen, ia bilsi matchotatna man•jagenchimoba re•baenggipa bilsini a•bachenggipa jani gisepon matchotatna jotton ka•gen” ineba ua agandapataha.

Leave A Reply

Your email address will not be published.