Dolgni NGO-rang GHADC-ni Deputy CEM-ko gronge lekka sedoanga

0

Tura, Sept 2, 2022:Garo Hills-ni dolgni NGO-rang jekai GSMC, AAYF aro Batabari Baptist Mondolini dilgiparang, Singgimari Nawalgre A•kingo donggipa Batabari Mondolini bigha 7 Kata 2 lesa 10 a•ao gipin a•dokni manderang napdrae songdong a•chaengani gimin, September 2 tarik Sukrobar salo GHADC-ni Deputy CEM aro Land & Revenue In-charge Nikman Ch Marak-ko gronge agan chanchirimangaha.

Ia a•ako Batabari Baptist Mondoli-na 1990 bilsina skangan Nawalgre A•kingni Nokma bigha 7 Kata 2 lesaa 10 a•ako on•ahachim. Indake Batabari Mondoli 1995 bilsirangon a•a Pattako GHADC-o tariahachim, indiba gipin adokoni ma•sina man•gijagipa Muslimrang nokdang ge 8 napsrukbae songdong a•chaengahani gimin 2007 bilsirangon Giljani dilgiparang District Council-na badi ka•ahani gimin, GHADC-ni manderang re•ange sandianiko dakahaon, niam gri songdongenggipa manderangko nike 2007 bilsini July 30 tariko a•rikgalani lekka ba eviction notice-ko on•ahachim. Indiba da•alona kingkingba gipin jatrang ua biapko wate re•angani pal batesa nokdang ge 16 ba 17 baridape songdong a•chaskengaha.

Indake niamgri District Council-ni ge•etaniko manigija songdong a•chaenga. Indakgipa obosta ong•engani gimin, “Da•alo chinga dolgni NGO-rang GHADC-ni Deputy CEM-ko gronge agan golpogrikaha aro Deputy CEM ta•raken niamo pangchake uamangko a•rikgalgen ine aganataha. Uni gimin, chinga namen kusi ong•a aro ua ta•raken ia kamko ka•gen ine ka•donga, maina ua an•tangan saksa NGO-ni dilgipa ong•mitingo iandakgipa obostarangni bidingo kamrangko ka•dilgipa ong•a” ine GSMC HQ-Tura-ni Organising Secretary Jason Tekrang M Sangma parakataha.

Leave A Reply

Your email address will not be published.