Tura, July 26, 2022: West Garo Hills a•jani District Magistrate, Swapnil Tembe wal 10 bajioni pring 6 bajiona damarangko, tom-tomrangko, singgarangko sikna man•jawa aro Sound System-rangko jakkalna man•jawa ine u•iataha. Nangchongmotgipa somoirangosan uandagiparangko jakkalna man•gen ine u•iataha.
Magistrate-ni u•iatani gitade, jinmana u•iatanirang donggenchimode ba parakna nanggenchimode pilakan authority-ni raiko ra•chengna nanggen. Unbaksana jinmana aganprakatengon, jakkalenggipa speaker-rangni volume-ko 10 dB ambient standard-na batatna man•jawa, apbalgipa biapo jakkalgenchim ong•ode volume-ko 75 dB ambient standard ba una komie jakkalna gita nanggen ine parakataha.
Indiba Walni 10 bajioni pringni 6 bajirangonade, garini horn-ko on•na man•jawa. Uandake noktango sound system-rangko jakkalgenchimode, volume-ko 5 dB ambient standard-na bate watna man•jawa ine parakataha.