Resubelpara, Dec 1, 2022: Meghalaya Assembly-ni Deputy Speaker aro Resubelpara-ni MLA Timothy D.Shira, Bajengdoba-ni MLA aro SLPGC-ni Chairman Pongseng R.Marak aro Kharkutta-ni MLA aro MNREDA-ni Chairman Rupert Momin-ni dongpanio gital Kharkutta PWD (Road) Division-ko Bristibar salo do•ga oprake on•angaha.
Koborna u•iatani gitade, ia program-ko Kharkutta-ni chadamberang knatogipa ku•rangchi git ring•e a•bachengatan baksa PWD department Chief Engineer, rimchaksoani kattarangko aganne, mongsonggipa sokgipako aro gipin dilgiparangko mande ra•e rimchaksoaniko dakangaha.
Ia program-o mongsonggipa sokgipa Timothy D.Shira songgimin pangchakani ro•ongko pindape dongipa ba•rako badalate, ribbon rate on•angaha.