Chokpot elakkani dingtang dingtang political dolni dilgiparang TMC dolo napea

0

Baghmara, Dec 1, 2022:Bristibar salni bako dingtang dingtang political dolni dilgiparang aro kam ka•giparang jekai Wilnath T.Sangma, Jadush M.Sangma, Darwin Ch.Sangma, Bikash R.Marak, Firosh K.Sangma aro Winer M.Sangma baksa gipin sak 200 NPP, UDP aro GNC dolni membor-rang, Chokpot MLA Lazarus M.Sangma, Amongpara MDC Nehru D.Sangma, South Garo Hills, District Convenor Dr Saljagringrang Marak, TMC Chokpot Block-ni Vice President Dipur Ch.Sangma aro South Garo Hills-ni TMC dilgiparangni mikkango TMC dolo napetokaha.

NPP-ni dilgipa Wilnath T.Sangma re•anggipa GHADC eleksino Amongpara elakkao susagipa ong•achim. UDP dolni dilgipa Jadush M.Sangma-ba re•anggipa GHADC eleksino Silkigre elakkoni saksa susagipa ong•achim. NPP dolni dilgipa Warwin Ch.Sangma saksa GHADC eleksino Silkigre elakkaoni susagipa ong•achim. Bikash R.Marak NPP Ruga Booth-ni President ong•achim. Winer M.Sangma saksa Dapgre NPP Booth-ni President ong•achim.
Chokpot elakkani ia sak 6 dilgiparang baksa uamangko ja•rikgiparang NPP, UDP aro GNC dolni manderang, da•o ong•enggipa sorkarini kamko nangnikjae TMC dolo napeaha ine koborna u•iataha.

Leave A Reply

Your email address will not be published.