Tura, May 28, 2022: Meghalaya a•dokni Deputy Skotong Minister Prestone Tynsong, Sonibar salo Tura Dakopgre-o gital Housing Office aro MIG Building-ko oprake on•angaha.
Ia tom•anio Preston Tynsong jinmana aganprakengon, “Chinga Meghalaya a•doko pilak manderangni nangnikaniko knachake uarangko chu•sokatna aro bimang pilatna krenge kamko ka•enga. An•ching a•dokni Skotong Minister Conrad Sangma aro gipin minister-rang jinma apsan melie a•doko donggipa pilak a•jani Skotongrango aro Sub-Division-rango Mini-Secretariat-ko rikna chanchiaha. West Garo Hills a•jani skotong songjinma Tura-o skanggipa Mini-Secretariat-ko rikgen, uandake gnigipa Mini-Secretariat-ko Ri-Bhoi a•jani skotong songjinma Nongpoh-o rikgen aro gipin a•jarangoba ge•sako matchotani ja•mano ge•sako dake rikanggen. Mini-Secretariat donggenchimode a•jao bang•a manderangni neng•nikanirang dongjawa aro pilak neng•nikanirangko nirok sandie namatna krenge kamko ka•angna gita chol ong•gen” ine aganangaha.
Uandake WGH a•jani janapatgimin gita, bang•a District Officer aro Staff-rangna dongchakani biap chu•ongja ineba aganaha. Indake ong•engon Deputy Skotong Minister, Middle Income Group (MIG) aro Lower Income Group (LIG)-ko rike on•anggen jedakode manderang mikkangchi maming neng•nikani dongjawa. Unbaksana a•doko bang•a Developmental scheme-rang jekai building rikani, sorokrangko tariani aro bang•a namgniko ra•bana man•anina ku•si ong•a ineba aganangaha.
Uni agangipa kattarangko A•chikkuchi WGH a•jani Deputy Commissioner Swapnil Tembe-ni pe•timme on•aninaba ua mitelpilani kattarangko aganangaha.
Skotong Minister-ni Adviser aro North Tura-ni MLA, Thomas A. Sangma jinmani palo Conrad Sangma aro Prestone Tynsong-ko mittelangaha.
Ia gital office building donganichi bang•a Department-ni manderangna dakchakani ong•gnok aro Office Staff-rangna dongchakani biaprangko re•baenggipa salrango rikanggen ineba parakangaha.
Kam ka•na chu•onga gita biapko nanga ine aganenba a•jani Deputy Commissioner Swapnil Tembe, an•ching kamrangko gisik nange ka•na chu•onga gita kam ka•chakani biapkoba nanga. A•jani DC office mongsonggipa ong•ani a•sel manderangni kam nangana re•baani somoiode office nok chakja, ia office nok bilongen gitchambejok, uni a•selo bang•a neng•nikanirangko chagrongna nangenga. WGH a•jani Deputy Commissioner Office-na gital Building-ko nangchongmota. Office-o kam ka•gipa manderang dongchakna tuchakna biap chu•ongjani a•selba ua Housing Department-ni Director-ko LIG aro MIG-na dongchakani nokrangko rike on•na nanga ine aganaha.
Housing Department-ni Director, David D Sangma jinmana aganprakengon, Meghalaya a•dokko chalaienggipa dilgiparangni re•dilaniko man•ne LIG aro MIG office staff-ni manderangna dongchakani nokrangko rike on•anggen aro ian nambea ja•ku de•aniba ong•chongmota. Chinga bang•a a•jarangon LIG aro MIG-rangna dongchakani nokrangko rike on•gen.
Uasan ong•aigija District Level Committee, Deputy Commissioner, Member Secretary aro bang•a membor-rang jemangan nok barani damko aro biaprangko tik ka•e on•rongachim, ua biaprangoba rikanggen. Housing Department-ni niamrangko tarimanaha, indiba cabinet-ni ra•chakaniko man•kujani a•selo Department Draft ka•e dongimin niamrangko ja•rike kamko ka•enga ine parakangaha.
Housing Department-ni manderang Chief Minister Housing Assistance Program-ko jako ra•enga, jeon uamang Aluminium-ni Tinrangko kangal cholgri nokdangni manderangna suale on•a. PMAY (Grameen)-ni nokrang aro bang•a Urban jolrango C&RD Blockni gita nokrangko rike on•enga.
Ia tom•anio Housing Department-ni Deputy Director F Kharshing, Additional Deputy Commissioner Tennystar Marak, Housing Department-ni Officer Winje R. Marak maangba bakko ra•angaha.